أسرار البدائل

الكثير منا عندما يبدأ في عمل وصفة معينة سواء حلو أو حادق يكتشف أن مكونًا ما غير متوفر لديه. وكذلك عند التسوق دائمًا نجد أشياءً نحتاجها في المطبخ غير متوفرة حتى في المحلات الكبرى المخصصة للسلع الغذائية.
لذلك قررنا أن نطرح عليكم البدائل لبعض المكونات حتى لا نقف مكتوفي الأيدي وننطلق في عمل أفضل الوصفات بسهولة.

بديل السكر البني: كوب من السكر العادي الخشن +ثلث كوب عسل أسود.

بديل الكورن سيرب: كوب عسل نحل + نصف كوب ماء + نصف كوب سكر ويوضعوا معًا على النار حتى يعقد ويصبح بمقدار كوب ونصف.

بديل لبن جوز الهند: ثمرة جوز هند طازجة + نصف كيلو لبن.

يتم بشر جوز الهند وأضافة السائل الذي بداخلها إلى اللبن وكذلك بشر جوز الهند ونغليهم معًا على النار ويترك حتى يبرد تمامًا ويصفى.

بديل الكريم تارتار: استخدام الخل الأبيض أو الليمون.

بديل الجبنة الماسكربونى: علبه قشطة + علبه كريمة لباني +علبة ويب كريم + 12 حبة كيري. يخفق كل ما سبق جيدًا ويستخدم كبديل للجبنه الماسكربوني.

بديل محسن الخبز: 2 ملعقة لبن بودرة +نصف ملعقة بيكينج بودر.

بديل الفانيليا: الخل أو بشر الليمون.

بديل القطر(الشربات ): عسل نحل مضاف إليه ماء قليل ويوضع على النار قليلًا.

بديل الساور كريم: كوب زبادي + علبة قشطة + 2 نقطة عصير ليمون .


بديل صوص الشكولاتة: كوب لبن + 4 ملاعق كاكاو خام + 4 ملاعق سكر بودرة + فانيليا. توضع كل المكونات على النار حتى يغلى ويثقل.

طريقة عمل شوكولاتة سنيكرز في البيت

مهداه لجميع اصدقاء الصفحة طريقة عمل شوكولاتة سنيكرز في البيت:
***المقادير:
1- 700 غ شوكولاتة
2- 60 غ زبدة
3- 1/4 كوب من الحليب المكثف
4- 200 جرام من المارشيملوا
5- 400 غرام من حلوىالكرمل
6- 1/3 كوب زبدة الفول السوداني
7- 400 غرام من الفول السوداني
8- 300 غرام من الشوكولاته للقاعدة

***الطريقة:

1- نحضر صنية حجم 20 × 30 سم. مغطاة برقائق الألومنيوم.

2- تذوب الشوكولاته في حمام مائي (300 غرام) و نصب في القالب و نوزعها في الصنية, ثم توضع في الثلاجة لبضع دقائق.

3- ثم تذوب المارشيملوا مع قليل من الماء في حمام مائي، أو يمكنك تذويبة في الميكروويف.

4- عندما يصبح يذوب المارشيملو نضيف الزبدة ثم يصب الحليب المكثف. 

5- يغلي الخليط حتى يصبح عجينة سميكة دون كتل 4 دقائق على درجة حرارة منخفضة. و بعد ما نقفل النار ، و نضع عليهم زبدة الفول السوداني.

6- و نصب الخليط على الشوكولاته، ونضعها في الثلاجة.

7- و نسخن حلويات الكرمل في الميكروويف حوالي 4 دقائق ثم نضيف الفول السوداني و نقلب كويس جدا.

8- نصب الخليط فوق طبقة المارشيملوا و نوزعها كويس و نرجعها الثلاجة تبرد بضع دقائق ثم نقطعها مستطيلات متساوية.

و نغرقها في الشوكولاته المذابة...و نضعها علي شبكة

ويمكن أن تبقى في الثلاجة ضعيها في علبة محكمة الغلق

----------------------------

**** تنويه: اسرار طريقة اي وصفة لمنتجات الشركات العالمية تبقى سرية في هذه الشركات من طريقة عمل الوصفة الاصلية لشوكولاتة سنيكرز او مارس او جالاكسي.. و كل الوصفات المعروفة تكون اما عن تجارب تمت او تخمينات.. لذلك, لا تتتوقع ان يكون الطعم قريب بنسبة 100% من الشوكولاته الاصلية في السوبرماركت.

الحمصية أو الفولية .. اجمل حلاوه

المقادير:

3 كوب سمسم أو فول مقشر و غير مملح أو حمص

½ 1 كوب سكر

3/1 كوب ماء

¼ ملعقة كبيرة ماء ورد

1 ملعقة كبيرة عصير ليمون

الطريقة:

1- يوضع الماء والسكر في وعاء على النار ويضاف إليه ماء الورد وعصير الليمون

يترك المزيج على النار حتى يصبح لونه ذهبي

2- يضاف القطر أو الشربات على أوالفول أوالحمص الفستق بحيث أن يكون كافي للتغطية و للتماسك و يقلب

3- يفرد في صينية مدهونة زيت

4- يترك حتى يتماسك ويجمد ثم يقطع أو يكسر.

فشار .. بجميع النكهات

 

احنا عارفين ان الفشار ممكن يتعمل بنكهات كتير

وبأسم الله نبدأ

نبدأ بأه نعمل الفشار

فشـــار بالكراميــــل

نحضر للفشار كوب و نصف من ذرة الفشار و نعمله عادي

بالطريقة العادية

هقولها للي مش عارف

في حلة تيفال

نغطي قعرها بزيت ذرة و نحط عليه الفيشار ونمسك الحلة و نهزها جامد علشان الزيت يغطي الذرة كويس

(لو كمية الفشار كبيرة علي الحلة ياريت نعمله علي مرتين علشان مافيش حاجة تتحرق)

الفشار لازم يكون مغطي قعر الحلة برضه و مش ازيد من كده علشان كله يتعمل مع بعض في نفس الوقت
و نغطي الحلة طبعا
علشان الفشار مايطلعش بره
علي درجة حرارة وسط
و مانطفيش النار غير لما يبطل فرقعة
و كده خلاص

 نحطه في سلطانية كبيرة

و نتأكد ان كل الفشار سليم و ان مافيش أي بذر ذرة ضمن الفشار

و نحط عليه 2 كوب مكسرات مجروشة

(كاجو ؛ بندق او لوز)

(ممكن مانحطش ده طبعا حسب ذوقك)

ونحضر خليط الكراميل

قبل تحضير الكراميل لازم تسخن الفرن علي درجة حرارة 120 درجة مئوية

(درجة حرارة هادية خاااالص)

2 كوب سكر بني

(جايبالكم طريقة عمله بس اقرأوا البوست لاخره)

نصف كوب شربات ذرة

corn syrup

(ممكن نستبدله بعسل الجلوكوز)

ملعقة صغيرة ملح

كوب زبدة

و نقلب معا جيدا علي النار حتي تذوب كل المقادير و تتجانس تماما

و نتركه يغلي مده 5 دقايق مع التقليب علي نار هادية

و بعد كده نشيله من علي النار

و احط عليه كيس فانيليا

ونصف ملعقة صغيرة من بيكاربونات الصودا

هتلاحظو ان الخليط تجانس كويس جدا بعد اضافة الصودا

و بعدين نقلب خليط الكراميل علي الفشار و االمكسرات و نقلب كويس جدا لحد التجانس التام

و بعدين نجيب صينيتين فرن غويطتين و ندهنهم بزيت ذرة

(يستحسن يكون زيت كويس علشان ما يعملش ريحه)

و نقسم فيهم الفيشار المغطي بالكراميل بالتساوي

و طبعا احنا مسخنين الفرن من قبل كده علي درجة حرارة منخفضة

و نحط الصينيتين في الفرن لمدة ساعة

بس لازم كل ربع ساعة نقلب الفشار كويس جدا علشان المحتويات كلها تتجانس مع بعض كويس و ماتنشفش

و بعد ساعة نطلعه من الفرن و نسيبه يبرد خااالص

و لو في حاجات لازقه في بعضها نفككها بالراحة خالص بعد ما يبرد طبعا

و كده يكون الفشار خلص

****************************

طــــريقة عمـــل الســــكر البنـــــي

علشان سعره غالي في السوبر ماركت

ممكن نعمله بكل سهولة في البيت

في عندنا ثلاثة انواع للسكر البني

سكر بني فاتح

سكر بني وسط

سكر بني غامق

انا هقول علي طريقة السكر البني الوسط لانه هو اللي بنستخدمه كتير

و هشرح الفرق بينهم

(هو ده اللي استخدمناه في الوصفة بتاعتنا)

علشان نعمل سكر بني وسط

عايزين 2 كوب سكر ابيض و يقابلهم ربع كوب عسل اسود

(كوب السكر عليه ملعقة كبيرة عسل)

طيب لو عايزين سكر بني فاتح

يبقي نحط 2 كوب السكر ابيض و يقابله 2 ملعقة كبيرة عسل اسود

(كوب السكر عليه ملعقة صغيرة عسل)

و لو عايزين السكر البني يكون غامق

نحط 2 كوب سكر ابيض و عليه ثلث كوب عسل اسود

(كوب السكر عليه ملعقتين كبار عسل)

و نقلب بالشوكة كويس اوي لغاية ما يتجانسو تماما و نرجع نشوف حبيبات السكر تاني

(يستحسن نضرب السكر بالعسل بمضرب بيض ولا بالكيتشن ماشين علشان حبيبات السكر ترجع تنفصل تاني)

بياخد 5 دقائق لو هنعمله في الكيشن ماشين

برضه جبتلكم الفيديو بتاع طريقة عمل السكر البني علشان يكون واضح بالنسبالكم

هنا

طيب علشان صبرني طلبت الفشار بالجبنة

نعملهولها من عنينا

**********

الفشـــــار بالجبنـــــة

نجيب 4 كوبايات فشار معمول جاهز

(من اللي عملناه فوق)

و في طاسة نسيًح 3 ملاعق زبدة و نشيلها من علي النار

و نحط عليهم نصف كوب جبن شيدر مبشور

(يستحسن يكون مطحون يعني بعد ما تبشريه اطحنيه في المطحنة)

(ممكن طبعا تكتري كمية الجبنة او تقلليها علي حسب انتي بتحبي ايه)

و عليهم نصف ملعقة كبيرة بودرة مسترده

و ملح

(و اختياري لو عايزة تحطي ملح و فلفل مع بعض)

نحط كل الخليط ده علي الفشار و نقلب كويس لحد التجانس التام

و يقدم في الحال

(طبعا المقادير ديه تقدري تقللي او تزودي فيها علي اساس عدد الاشخاص)

و بالهنا و الشفا

بطاطس محشيه بالبيض والخضروات .. راااائعه

 البطاطس المحشية بالبيض

فكرة و طعم حلو كمان

***********

عايزين بطاطس كبييييرة علشان تاخد بيضة كاملة

و لكل بطاطساية هنحتاج بيضة

و هنحتاج لانشون فراخ او لحمة  و نقطعه مكعبات صغننة

و كمان جبن رومى و جبن موزاريلا

ممكن طبعا تمشيها نوع جبنة واحد انا بس بقولك الاساس و انت اختاري اللي تحبيه و حسب مصروف البيت كمان

;)

عايزين كسبرة مقطعة صغنن جدا و ممكن كمان بصل أخضر شرائح صغننة برضه

ممكن الاستغناء عن البصل لو هيضايقك :))

ملح و فلفل

بس كده خلاص

نجيب البطاطس و نغسلها كويييس جدا و بقشرها نحطها في حلة تستوي ثلاثة اربع سوا أو قبل السوا بحاجة بسيييطة

مش عايزينها عجينة يا كميلة علشان تعرفي تقوريها من غير ما تتكسر منك و لا تتفتفت

و بعد ما تستوي تسيبيها تبرد خاااالص و بعدين تشيلي منها طبقة تكون هي الغطا 

 

 

الطبقة ديه تكون بعرض البطاطس او طولها على حسب الشكل عايزاها ايه

يعني تحبيها واقفة زي الكوباية كده 

 

 

و لا زي القارب او الطبق

لو عايزاها واقفة زي الكواية يبقى تقطعي منها جزء يكون لها قعر زي قعر الكوباية علشان تفضل مسنودة و واقفة ماتقعش

المهم

نبدأ نحفر بالراحة بملعقة صغننة و نوسع واحدة واحدة علشان نعمل مكان للبيض نعرف نحطه فيه

 

و بعدين ندهن المكان من جوة بملح و فلفل بسيط و نحط رشة جبن مبشور و ممكن شوية بصل أخضر شرائح رفيعة خااالص بس مش كمية كبيرة

 

و نكسر البيضة و نحطها نية جوا البطاطس

و بعدين نرش عليها ملح و فلفل و رشة بصل أخضر(قليييييل) و رشة لانشون من اللي مقطعينة صغنن و رشة جبن موزاريلا و عليها الجبن الرومي

و نحطها في صينية مدهونة زيت في فرن ساخن ربع ساعة تقريبا او لحد ما البيض يستوي مش بتاخد وقت خالص

و بعد ما تخرج من الفرن و عند التقديم نرش عليها رشة بقدونس

على فكرة انا لما عملتها قشرتها في الاول 

يعني بعد ما سلقتها قبل ما احطها في الفرن

ممكن انت بعد التسوية قبل التقديم تقشريها أو تقدميها بقشرها و الضيوف تتعامل بأه

:))

بس صدقيني هتعجبهم و يشكروكي عليها كمان 

في انتظار الاراء طبعا:))

المسبحه

من اطباق المقبلات الشائعه في بلاد الشام وتختلف عن الحمص باضافة الثوم وتكون كمية الطحينه اكثر من الحمص كما انها تكوناكثر ليونه وتؤكل دافئه
الطريقه
يسلق الحمص جيدا بعد نقعه لمدة 12 ساعة
تؤخذ كميه من الحمص (كوب ) وتوضع في الخلاط وع مياه الحمص ويضاف نصف كوب طحينه وعصير ليمو وسنين ثوم والملح
ويخلط
يوضع في صحن التقديم ويضاف له القليل من حبات الحمص ويحرك حتى يتجانس
يزين حسب الرغبه ويقدم ساخنا و صحتين

من اســـــراار الطبـــــــخ

من اســـــراار الطبـــــــخ***

_عند عمل الرز البرياني أضيفي قليل من الزنجبيل الأخضر الخولجان الأخضر.

_لمسلوق اللحم أو الدجاج ابشري عليها كركم أخضر وقليل من الثوم والبصل.

_لتحمير البصل أضيفي قليل من الملح.

_لتلين الكفتة وعدم سوادها أكثري البصل الناعم.

_عند عمل محشي الكوسة والباذنجان لا تضعي الملح إلا عند غليها حتى لا تذوي.

_بعد الانتهاء من عمل البامية نقوم بحمس الثوم بقليل من زيت الزيتون ثم يضاف إليه بقدونس وكزبرة مفرومة يحرك نضع البامية في صينية ثم نسكب عليها الصلصة مع الزيت بدون تحريك وتغطى بالقصدير وتدخل الفرن قليلاً.

_عند عمل السلطة الحارة أضيفي لها قليل من الكزبرة وزيت الزيتون.

_لإعطاء الرز نكهة المندي بعد الانتهاء من نضجة ضعي في إناء زيت ساخن وضعي الإناء داخل القدر ثم ضعي عليه الجمرة وأقفلي الغطاء حتى يتشبع ويتبخر.

_ لحشوة الدجاج أضيفي بصل أخضر(زيادة)وكثير من الكزبرة الخضراء ولإعطائها طعم مميز أضيفي لها قليل من الفلفل الأخضر والجزر.

_لإعطاء ليونة لحشوة الساند وشتات أضيفي قليل من المايونيز.

_لإعطاء طعم لذيذ لسنبوسة أضيفي قليل من القشطةوالمقليات أيضاً.

_عند عمل المكرونة كيس واحد للبايركس الكبير.

_عند عمل الباشمل نضيف بيضة مع قليل من الأعشاب مثل الحبق المجفف بعد إبعادها عن النار.

_لإعطاء المكرونة بالباشمل طعم لذيذ نضع على الوجه كأس من الجبن المبشور وقليل من الحبق والفلفل الأحمر الحار.

_لكي تكون الكيكة منفوشة وحلوة اخبزيها في حمام مائي.

_ عند عمل مقلقل اللحم لا تضيفي البهارات إلا حين قرب استوائه حتى لا تضيع نكهة البهارات.

_عند عمل اللحمه المفرومة لسنبوسة لا تضيفي الخضار إلا حين تستوي اللحمه يعني بعد ما تطفئين النار.

_يمكن إضافة بيض مسلوق ومبشورلحشوة السنبوسة.

_لإعطاء حشوة السنبوسة طعم لذيذ أضيفي الشبت.

_عند عمل البطاطا المقلية بعد تقطيعها وغسلها نضيف قليل من الكمون المطحون وتوضع داخل الفريزر لمدة عشر دقائق أو ربع ساعة ثم تقلى في زيت حار.

_حتى لا يتطاير الزيت أضيفي إليه قليل من الملح.

_عند عمل الملوخية أو البامية أضيفي إليها قليل من بكربونات الصوديوم تكون متماسكة وخضراء.

_ الرز إذا وجدتي مائه كثير ضعيه في الصفاية ثم أرجعيه القدر.

_إذا الرز لم ينضج لا تزيدي عليه ماء ولكن غطيه بورق بقصدير ثم أعيدي غطاء القدر وضعيه على نار هادئه جدا.

_لمعرفة قياس ماء الرز نوقف الملعقة في الوسط إذا وقفت فالماء مناسب وإذا مالت فإنه زايد.

_لعدم تفتح ورق العنب عند الطبخ قومي بربط كل مجموعة بخيط عريض.

_عند عمل ورق العنب ضعي بقاع القدر بطاطس وصحن بايركس ضد الحرارة حتى لاينحرق ويلتصق بالقدر.

_ عند طبخ البامية أولاً تكون النار عالية ثم اقصري النار حتى لا تسود البامية وأيضاً الفاصولياء الخضراء.
((وكي لا تتفتح الباميه اعصري عليها نصف ليمونه))..

_بعد سلق الفاصولياء البيضاء احتفظي بماء السلق وضعية مع الفاصولياء واللحمة حتى لا تكون خفيفة.

_بعد إطفاء النار عن ورق العنب لا تكشفي الغطاء حتى يبرد لكي لا يغمق لونه وينشف ثم يقلب.

_ ليكون الرز مفلفل أضيفي إليه قليل من ملح الليمون.

_لإعطاء طعم جيد لدجاج اطبخيها بدون ماء وغطي القدر بالقصدير ثم غطاء القدر وعلى نار هادئة.

_عند عمل الرز المشخول نضع مع ماء السلق مسمار ودارسين وهيل حبتين من كل نوع.

شوربة فراخ بالكريمة

كوب كريمة فريش

(ممكن لو مافيش)

(كوب لبن مذاب فيه ملعقة كبيرة دقيق)

2 كوب شربة فراخ

جوزة الطيب

(لو مافيش مش مشكلة)

ملح و فلفل

تذيب الدقيق في اللبن ونحطه علي الشربة

و نحطهم علي النار

و نقلب علي النار حتي تبدأ في الوصول للقوام المطلوب

(غليظ شوي صغيرين)

(بس اوعي تسيبيها كتير لحسن تقلب مهلبية)

و نبشر عليها جوزة الطيب.

و لو محتاجة ملح و فلفل نحط حسب الحاجة.

اتمني اني اكون اضفت لاي حد اي حاجة

كفتة بالجبن الموزاريلا

 

كفتة بالجبن الموزاريلا

  

السلام عليكم و رحمة الله و بركاته

هعمل انهردة حاجة اجنبي مع شوية تعديلات و ادمجها مع حاجة شرقي

كفتة داود باشا بالموزاريلا

الاجنبي هي الكفتة اللي محشية جبن موزاريلا بنفس الطريقة الاجنبية لكن احنا مانعرفش ناكلها كدة حاف محمرة و لا و هي عليها شرحة جبنة فقط لاغير زي الاجانب

علشان كده قلت شكلها النهائي في الصوص بتاع كفتة داود باشا هيكون افضل لنا و لطرق اكلنا

نبدأ و نقول بسم الله 

المقادير بسيطة جدا:

لحم احمر مفروم (كيلو مثلا)

جبن موزاريلا (نوع نضيف كده يكون بيسيح حلو و طعمه مملح قليلا)

بقسماط مطحون ناعم (3 ملاعق كبار)

رشة زعتر

ربع ملعقة صغيرة فلفل اسود

ملح

نصف ملعقة صغيرة بهارات لحمة

كسبرة خضراء

رشة جوزة الطيب

نصف ملعقة صغيرة بصل بودر

ربع ملعقة صغيرة ثوم بودر

بصلاية مبشورة وسط

4-5 حبهانات مطحونين

للصوص::

2 طماطم  

بصلاية صغننة 

فص ثوم 

جنزبيل مبشور

بصل بودر 

ثوم مبشور

رشة زعتر

ربع ملعقة صغيرة فلفل اسود مطحون

ملح

بندأ نشتغل بأه:

انا كان عندي لحم في الفريز سيحته و فرمته طلع تقريبا كيلو بعد ا شلت منه الدهن و العروق الصغيرة اللي مابتتفرمش

و حطيت عليه البصل المبشور و كووووول البهارات اللي قلناها فوق

بالنسبة للحبهان افتحي الحبهاناية و طلعي البذر اللي فيها و اطحنيه بالهون مع شوية ملح و كمون علشان مايقعدش البذر يجري منك

و الكسبرة الخضراء حطيتها في الاخر خاااااالص 

و نقلب و نعجن بإيدينا لحد ما المكونات كلها تتجانس

و ياريت ندوق و نشوف لو ناقص ملح و لا حاجة عايزة تتظبط

و بالنسبة للجبن الموزايلا ارجوووووكوا ياريت جبن نوع كويس 

و انا بقولكم اهه جبنة باندا

مش بتسيح خااالص .. ديه بتتمدد و بعدين تتجمد

الولاد كانوا فاكريني حاشية الكفتة بياض بيض مسلوق و عادم كمان من غير ملح

ماتجيبيش المبشورة ..كور(جمع كوة) او ستيكس (أصابع)

انا في المرة التانية جبت نوع كده مستورد مش فاكرة اسمه ايه بس كان عبارة عن كور قد كف اليد في الشرش بتاعه و ده فادني اني حطيت عليها شوية ملح و سيبتها في مايتها كام ساعة علشان الجبن تملح شوية و وقت الاستخدام نقطعها مربعات صغيرة علشان نحشي بها الكفتة

و نحشي عادي بحيث يكون شكل كورة الكفتة كده و نحطها في شوية دقيق يادوب تتعفر بس

و نحمرها في قليل من الزيت علشان تتشوح قبل ما تتحط في الصوص

ندخل على الصوص::

في قليل من الزيت هنحط البصلاية المبشورة مع قليل من الملح و الفلفل و نشوح قليلا يادوب تذبل و بعد كدة نحط الجنزبيل المفروم و فص الثوم المفروم و نقلب بس ناخد بالنا مانحرقش الثوم علشان ما يعملش طعم مر في الاكل

و نحط الطماطم المعصورة و عليها البهارات بتاعتنا كووووولها و نسيبها لحد ما تستوي

لااازم ندوق الاكل و احنا شغالين علشان لو لقينا حاجة غلط نلحق نتداركها

و بعد ما الصوص يثقل نحط فيه الكفتة المتشوحة و نسيها تاخد معاها غلوتين علشان الصوص يثقل من شوية من الدقيق الي على الكفتة 

و بعد كده بالهنا و الشفا ممكن تقدميها مع ارز او مع مكرونة زي ما تحبي 

و على و شها رشة جبن موزاريلا مبشورة و رشة كسبرة مفرومة تدي شكل حلو عند التقديم

و تسلم ايد اللي وقف و تعب و عمل 

بألف هنا