الطريقه المظبوطه وكمان بكل تكاتها
المقادير
1كيلو دقيق
ونصف كيلو سمن
+ماء دافئ للعجن
+ملعقه صغيره ملح
نصف كوب زيت ذره لفرد العجينه
نعجن الدقيق بالماء والملح حتي تتكون لدينا عجينه تنفصل عن حله العجن و طريه لتكون سهلة الفرد بالنشابه و ونتركها لمدة ساعه
نعجن العجينه مرة اخرى ونقسمها لعشرين قطعه مستديره وندهنها بزيت الذره ونضعها في صينيه بها زيت ونتركها ساعه عشان نعرف نفردها
وقت تجهيز الفطيره ندهن الطاوله بالزيت ونفرد قطعه من العجين لدرجه رقيقه و
شفافه جداونمطها من الحواف ونضعها في صينية الخبز ونرشها بالسمن ونفرد
قطعه أخري ونضعها فوق الأولي وندهنها أيضا بالسمن
وهكذا حتي عشر
قطع للفطيره الواحده وكل مره نرش السمن.. ثم نطوي الأركان الأربعه للفطيره
للداخل . فتشكل مربع نلفه ونتركه حتي نعمل الفطيره الثانيه بنفس الطريقه
في صينية الخبز نفرد الفطيره باليد ونبططها بشكل مستدير
نخبز في فرن ساخن حوالي نصف ساعة ثم نخرجها وندهن الوجه بالقشطه ونعيدها
لتحمير الوجه وممكن خلط السمن بزيت ذره لتكون فطيره قليلة الدسم
وايضا ممكن حشوها بالجبنه او اى حاجه تحبيها.
اما عن التكات الاساسيه عشان الفطيره تبقى طريه هى:
1-
اذا كان الفرن كبير وبشواية حطيه في النص بعد ما تكوني سخنتي الفرن كويس
و5دقايق وتولعي الشوايه علي نار متوسطة وتطفي الفرن من تحت وبعد مايخرج
لفيه في شنطة بلاستيك بيطرى منك خالص.
2-اذا كان الفرن صغير بشوايه او بدونها سخني الفرن علي وحطيه من النص وبعد مايخرج لفيه في شنطة بلاستيك.
3-دايما بعد ماتفرديه الفرده الاخيرة في الصنيه حطيه في الثلاجة 10:15 دقيقة علشان يورق كويس معاكي.
4-سبيه يرتاح بعد اول مرة تطويه فيها علشان تعرفي تفرديه في الصنيه ال هيتخبز فيها.
5-واخيرا قبل ماتدخليه الفرن ادهني وشه بقشطة مضاف ليها ذرة ملح ده اذا كان مشلتت مش محشي.
6-ولو عايزاه مسكر شويه رشي عليه خفيفا بعد ماخرج من الفرن وهو سخن شويه عسل نحل مخفف بماء .
