:Marron Glacé
المقادير:
وصفة ممتعة جدا في عملها، زي النحت او الرسم كدة... بتتعمل بمزاااج :)) سهلة والوقت اللي بتاخده في الوقوف في المطبخ قليل جدا رغم انها بتاخد وقت طويل (حوالي خمس ايام)حتى تظهر النتيجة النهائية... لكن من تاني يوم ينفع تبدي تتذوق... حقيقة الامر ان نصه خلص قبل نهاية الخمس ايام :)))
المكونات سهلة ومش غالية رغم ان المارون نفسه غالي جدا
الوصفة
------
1. 1/2 كيلو أبو فروة، يستحب اختيار الحجم الكبير ليسهل تقشيره (حوالي 25 واحدة)
2. 300 جرام سكر
3. 3/4 كوب ماء
4. فانيليا
الطريقه:
*** نقوم بتقشير القشرة الخارجية
*** يتم سلق المارون لمدة حوالي 7 دقائق في ماء يغلي
*** قم بتقشير القشرة الداخلية وهو مازال ساخن، لانها ستلتصق أكتر اذا بردت
وكدة أصعب حاجة في الموضوع خلصت خلاص
***قم بوضع السكر والفانيليا والماء على نار هادئة حتى يذوب السكر تماما واتركها تغلي حوالي 5 دقائق ثم قوم بوضع المارون فيها واتركه لمدة 10 دقائق يغلي مع الشربات
*** ارفعه من على النار واتركه في الشربات حوالي 12 ساعة ثم ضعه يغلي دقيقة وارفعه
*** بعد 24 ساعة (يوم) ضعه يغلي دقيقة وارفعه واتركه في الشربات
***ويكرر ذلك حوالي 4 مرات حتى يمتص جميع الشربات ويتحول لونه كما بالصورة
***ملحوظة:: قد تضطر لاضافة 3-4 معالق مياة اذا جف الشربات قبل النضج في احد الايام
*** ارفعه من الشربات وضعه في فرن هاديء جدا (70 درجة)وبابه مفتوح على ورق زبدة لمدة حوالي ساعتين أو حتى تشعر انه اصبح متماسك والشربات أصبح ملتصق به...
*** وبالهنا والشفا كدة خلاص استوى وينفع تاكله
*** ممكن يتغلف باي نوع شيكولاتة زي الصورة
*** الشربات والاجزاء المكسرة منه، ثروة يمكن استخدامها في كيك أو صوص لبان كيك أو آيس كريم.
أحلى هدية تقدميها لبابا ولماما ولنفسك و لزوجك واولادك ولأحب حبايبك .. بأختصار لأغلى الناس عندك.
